لاہور(ویب ڈیسک) پاکستان تحریک انصاف کے چیئرمین عمران خان کے دواور ساتھی پارٹی چھوڑ گئے پی ٹی آئی کے سابق وفاقی وزیر علی نواز اعوان اور سابق صوبائی وزیر سردار آصف نکئی نے استحکام پاکستان پارٹی (آئی پی پی) میں شمولیت اختیا کر لی ہے۔ تفصیلات کے مطابق پاکستان تحریک انصاف کے کپتان کا ایک اور بڑا کھلاڑی ساتھ چھوڑ گیا، سابق وفاقی وزیر علی نواز اعوان نے منظر عام پر آ کر پارٹی سے علیحدگی کا اعلان کر دیا۔
استحکام پاکستان پارٹی کو ایک اور بڑی کامیابی.
سابق وفاقی وزیر علی نواز اعوان کی پیٹرن انچیف استحکام پاکستان پارٹی جہانگیر خان ترین اور صدر عبدالعلیم خان سے ملاقات اور استحکام پاکستان پارٹی میں شمولیت.
اس موقع پر ایڈیشنل سیکرٹری جنرل عون چوہدری اور سینئر رہنما نعمان لنگڑیال بھی… pic.twitter.com/0VfQ4f16M4— Istehkam-E-Pakistan Party (@istehkamPK) November 19, 2023
علی نواز اعوان اور سردار آصف نکئی نے اتوار کو لاہور میں آئی پی پی کے پیٹرن انچیف جہانگیر ترین اور صدر استحکام پاکستان پارٹی علیم خان سے ملاقات کی، ملاقات میں عون چودھری اور آئی پی پی کی دیگر قیادت بھی شریک تھی۔جہانگیرترین سے ملاقات میں علی نواز اعوان اور سردار آصف نکئی نے اپنے آئندہ کے سیاسی فیصلے سے متعلق آگاہ کیا، جہانگیر ترین اور عبدالعلیم خان نے علی نواز اعوان اور سردار آصف نکئی کو آئی پی پی میں شمولیت پر خوش آمدید کہا۔
