پی ایس ایل 7، کوئٹہ گلیڈی ایٹرز کے شاہد آفریدی کورونا وائرس سے صحت یاب

اسلام آباد(ویب نیوز) کوئٹہ گلیڈی ایٹرز کے شاہد آفریدی کورونا وائرس سے صحتیاب ہوگئے۔کوئٹہ گلیڈی ایٹرز کے منیجر اعظم خان کاکہنا ہےکہ شاہد آفریدی کورونا سے صحتیابی کے بعد کل ہوٹل آجائیں گے جہاں ان کا اینٹی جین ٹیسٹ ہوگا۔اعظم خان نے کہا کہ ٹیسٹ کی رپورٹ منفی آنے پر شاہد آفریدی کو تین روز کا آئسولیشن نہیں کرنا پڑے گا اور رپورٹ منفی آنے پر وہ 3 فروری کے میچ کے لیے دستیاب ہوں گے۔واضح رہےکہ پاکستان سپر لیگ 7 میں کوئٹہ گلیڈی ایٹرز کی نمائندگی کرنے والے شاہد آفریدی کورونا کی رپورٹ مثبت آنے پر گھر میں قرنطینہ تھے۔

اس خبر پر اپنی رائے کا اظہار کریں

اپنا تبصرہ بھیجیں