اسلام آباد(نیوزٹویو) نگران وزیراعظم کے نمائندہ خصوصی حافظ طاہر محمود اشرفی نے کل جمعہ کو ملک بھر میں یوم شہدائے فلسطین منانے کا اعلان کیا ہے وزیراعظم کے نمائندہ خصوصی حافظ طاہر محمود اشرفی نے میڈیا سے گفتگو کرتے ہوئے کہا کہ جمعہ کو ملک بھر میں یوم شہدائے فلسطین منایا جائے گا، آزاد اور خود مختار فلسطینی ریاست ہی مسئلے کا واحد حل ہے۔
حافظ طاہر محمود اشرفی نے کہا کہ بے گناہ فلسطینیوں پر حملے رکوانا وقت کی ضرورت ہے، مسئلہ فلسطین پر پاکستان کا مؤقف بالکل واضح ہے، مسئلہ فلسطین پر پوری امت کی وحدت کی ضرورت ہے۔ جنگ بندی کے معاملے پر اقوام عالم کو اپنا کردار ادا کرنا ہوگا۔
