مشہور ٹی وی کردار انکل سرگم کے خالق معروف مزاح نگار، مصنف، کالم نگار، کارٹونسٹ اور ٹی وی پروڈیوسر فاروق قیصرکو اسلام آباد کے ایچ الیون قبرستان میں سپردِ خاک کردیا گیا۔وہ گزشتہ روز حرکت قلب بند ہوجانے سے انتقال کرگئے تھے۔ سلیمہ ہاشمی نے فاروق قیصر کو 1970 میں ”اکڑ بکڑ“ کے ذریعے ٹی وی پر متعارف کرایا تھا۔75سالہ فاروق قیصر کی نمازجنازہ میں معروف سیاستدانوں، سماجی شخصیات اور اداکاروں نے شرکت کی جن میں مسعود خواجہ، بابر نیازی، اسلم مغل، سلیم رضا، انجم حبیبی، ہاشم بٹ، طاہر ریمبو، طاہر صدیقی، سلمان سنی اور جماعت اسلامی کے رہنما میاں اسلم شامل ہیں۔
