ملک کے مشہور معروف ہدایت کار،اداکار، کارٹونسٹ، مزاح نگار. صحافی، فاروق قیصر انتقال کر گئے. فاروق قیصر کچھ عرصے سے عارضہ قلب میں مبتلا تھے. فاروق قیصر نے پی ٹی وی کے مشہور ڈرامہ کلیاں میں انکل سرگم کے کردار سے شہرت پائی. فاروق قیصر 31 اکتوبر 1945 کو لاہور میں پیدا ہوئے مرحوم نیشنل کالج آف آرٹس سے فارغ تھے. فاروق قیصر 1970 میں اکڑ بکڑ کے کردار سےپی ٹی وی پر متعارف ہوئے تھے. انہوں نے پی ٹی وی پر بطور ہدایت کار خدمات سرانجام دی
والد کی سرکاری نوکری کی وجہ سے وہ پاکستان کے مختلف شہروں میں گھومتے رہے اور ان کا تعلیمی سفر بھی مختلف شہروں میں تکمیل تک پہنچا یعنی میٹرک پشاور سے، ایف اے کوئٹہ سے اور گریجویشن نیشنل کالج آف فائن آرٹس لاہور سے کیا۔ جبکہ فائن آرٹس میں ماسٹرز انہوں نے رومانیہ سے کیا جبکہ 1999ء میں کیلیفورنیا امریکا سے ماس کمیونی کیشن میں بھی ماسٹرز کیا ہے۔ فاروق قیصر نے 70 کے اوائل میں نیشنل کالج آف فائن آرٹس لاہور سے گریجویشن کے بعد فنی زندگی کا آغاز کیا، فنکار، صحافی، ٹی وی شو ہدایت کار، پتلی باز، اسکرپٹ مصنف اور صوتی اداکار ہے۔ قیصر اپنی کامکس کتابوں کی وجہ سے مشہور ہیں۔ فاروق قیصر کی بنیادی وجہ شہرت ان کا افسانوی کردار انکل سرگم جو پہلی بار 1976ء میں بچوں کے اردو زبان کے پروگرام کلیاں میں ادا کیا گیا۔
