اسلام آباد(نیوزڈیسک) وزیرا عظم کے مشیربرا ئے احتساب شہزاد اکبر نے کہا ہے کہ برطانیہ نے پا کستان کو نوازشریف کی حوالگی کے لیے درخواست دینے کے لیے کہہ دیا ہے برطانیہ کا قانون سزا یا فتہ شخص کو وزٹ ویزے پر قیام کی ا جازت نہیں دیتا برطانیہ اس قانون پر عمل کرے تو درخواست دینے کی ضرورت نہیں پڑے گی ہم نے برطانیہ کو بتادیا ہےنواز شریف علاج نہیں کروا رہےہمیں برطانیہ ایگزیکٹو آرڈر سے نواز شریف کو ڈی پورٹ کر سکتا ہے۔ مشیر برائے احتساب و داخلہ شہزاد اکبر نے میڈیا سے گفتگو کرتے ہوئے کہا کہ برطانیہ کا قانون ہے سزا یافتہ شخص کو وزٹ ویزہ نہیں دیا جا سکتا، برطانیہ کو بتایا نواز شریف سزا یافتہ ہے، ہماری اطلاعات کے مطابق نواز شریف نے وہاں ایک انجکشن بھی نہیں لگوایا، برطانیہ سے کہا ہے معاملہ خود دیکھ کر قانون کے مطابق فیصلہ کریں شہزاد اکبر کا کہنا تھا ہم نے برطانیہ سے کہا آپ پہلے یہ دیکھیں آپ کا قانون نواز شریف کو وزٹ پر قیام کی اجازت دیتا ہے یا نہیں، حوالگی کی درخواست طویل عمل ہے اسے بعد میں دیکھیں گے۔
