عالمی وبا کورونا کی دوسری لہر کے دوران آکسیجن کی کمی اور بھارت میں بدترین صورتحال پر پاکستانیوں کی جانب سے پیش کیے جانے والے تعاون کی بھارتی اداکار ارجن کپور بھی معترف ہوگئے۔بھارتی میڈیا کو دیے گئے ایک انٹرویو کے دوران ادکارارجن کپور نے پاک بھارت تعلقات سے متعلق گفتگو کی۔ب ان کا کہنا تھا کہ پاکستان میں اکثریت بالی وڈکی معاون رہی ہے، وہاں ہماری فلموں کے لیے جوش وخروش ، محبت اور غیر مشروط تعاون پایا جاتا ہےانہوں نے کہا کہ میں یہ ماننے سے انکار کروں گا کہ فن سرحدوں کو عبورکرتے ہوئے لوگوں کو ایک دوسرے سے رابطے میں نہیں لاسکتا ،آج لوگ یہ نہیں سوچتے کہ صورتحال کیا تھی، لوگ اس صورتحال سے نمٹ رہے ہیں، میں اس کا احترام کرتا ہوں اور مجھے امید ہے اس کو فراموش نہیں کیا جائے گاارجن کپور نے امید ظاہر کرتے ہوئے کہا کہ 6 ماہ بعد چیزیں بہتر ہوجائیں گی لیکن آپ کو یہ نہیں بھولنا چاہیے کہ کورونا بحران کے وقت کون سے مددگار ہاتھ آپ کی طرف بڑھے جن کا احترام کیا جانا چاہیے، یہ ایک ایسا وقت ہے جب جذبات گونج رہے ہیں اور لوگ اکٹھے ہورہے ہیں، جو بھی سیاسی منظر نامہ ایک یا دو سال قبل تھا اسے پس پشت ڈال رہے ہیں۔اداکار کا کہنا تھا کہ کرکٹ کے علاوہ دونوں ممالک ایک دوسرے سے جڑے ہوئے ہیں اور امید ہے کہ اس دوستی کو مزید بڑھایاجائے گا۔ارجن کپور نے مزید بتایا کہ ان کی فلم کو پاکستانی شائقین کی جانب سے جو تعاون مل رہا ہے وہ بہت زیادہ ہے
۔
