پنجاب کے وزیر قانون و کوآپریٹیوز محمد بشارت راجہ نے کہا ہے کہ پنجاب میں عید تعطیلات کے دوران لاک ڈاؤن اور ایس او پیز پر سختی سے عمل درآمد کے مثبت اثرات ظاہر ہو رہے ہیں اور کرونا کے مریضوں میں کمی واقع ہوئی ہے انہوں نے کہا کہ وزیر اعلی پنجاب سردار عثمان بزدار کی ہدایات پر صوبے میں انتظامیہ پولیس اور قانون نافذ کرنے والے اداروں نے بہترین خدمات سرانجام دیں اور حکومت کی طرف سے جاری کی گئی ہدایات پر عملدرآمد یقینی بنانے سے سیاحتی مقامات پر آمدورفت معطل رہی اور شہریوں کی بڑی تعداد نے عید اپنے گھروں میں گزاری جس کے وجہ سے کرونا وائرس کے پھیلنے میں کمی واقع ہوئی محمد بشارت راجہ نے کہا کہ انسانی جانوں کے تحفظ کے لیے ضروری ہے کہ اسی طرح کرونا وبا سے تحفظ کے لیے اس پر عملدرآمد جاری رکھا جائے تو اس کے بہتر نتائج برآمد ہو سکتے ہیں انہوں نے اس سلسلے میں این سی او سی کے اجلاس میں ہونے والے فیصلوں کا بھی خیر مقدم کیا اور کہا کہ ٹرانسپورٹ کھولنے اور کاروبار جاری رکھنے کے لیے جو روڈ میپ دیا گیا ہے اس پر عمل پیرا ہو کر شہریوں کو سفری سہولیات بھی حاصل ہوں گی اور کاروباری سرگرمیاں بھی جاری رکھی جا سکیں گی
