وفاقی حکومت نے عوام پر بجلی گرانے کی تیا ری کر لی حکومت نےیکم اکتوبر سے بجلی کی قیمت میں فی یونٹ 1 روپے 72 پیسے ا ضافہ کرنے کا فیصلہ کر لیا ہے جبکہ وفاقی کابینہ نے بجلی مہنگی کرنے کی منظوری بھی دے دی ہے۔ بجلی 3 مختلف سہ ماہی ایڈجسٹمنٹ کی مد میں مہنگی کرنے کی منظوری دی گئی ہے مالی سال 2020 کی چوتھی سہ ماہی کی مد میں بجلی 82 پیسے فی یونٹ مہنگی کرنے کی منظوری دی گئی ہےاس کے علاوہ مالی سال کی پہلی، دوسری سہ ماہی ایڈجسٹمنٹ کی مد میں بجلی 90 پیسے فی یونٹ مہنگی کرنے کی منظوری دی گئی ہے۔ذرائع کے مطابق بجلی کی قیمتوں میں اضافے کا اطلاق اکتوبر 2021 سے کیا جائے گایا د رہے کہ اس سے پہلے وفاقی حکومت نے ایک روپے 40 پیسے فی یونٹ اضافہ کردیا تھا۔پاکستان تحریک انصاف کی حکومت نے صدارتی آرڈیننس کے ذریعے نیپرا ایکٹ میں ترمیم کرکے بجلی کے نرخ بڑھائے تھے۔حکومت نے صدارتی آرڈیننس کے ذریعے نیپرا ایکٹ میں ترمیم کرکے بجلی مہنگی کرنے کا اختیار حاصل کرلیا ہے۔ نیپرا ایکٹ میں ترمیم کے ذریعے حکومت کو اضافی سرچارج اور بجلی مزید مہنگی کرنے کا اختیار مل چکا ہےصدارتی انکم ٹیکس ترمیمی آرڈیننس کے بعد فلم انڈسٹری، ٹیکسٹ بکس، آئی پی پیز، ریئل اسٹیٹ سمیت متعدد اداروں اور شعبوں کا استثنیٰ ختم کردیا گیا ہے۔
