راولپنڈی(نیوزڈیسک)پٹرولنگ پولیس راولپنڈی کی آگاہی مہم جاری ہے موبائل ایجوکیشن یونٹ نےبینک ، خریداری مراکز ، ٹول پلازوں سمیت مختلف مقامات کے دورے کیےاور شہریوں کو کرونا وائرس کی تیسری لہراور روڈ سیفٹی سے متعلق آگاہی فراہم کی۔ تفصیلات کے مطابق ایس پی پٹرولنگ راولپنڈی گلفام ناصر کی خصوصی ہدایات پر موبائل ایجوکیشن یونٹ راولپنڈی کے انچارج ذیشان عباس اے ایس آئی نے اپنی ٹیم کے ہمراہ ملک میں پھیلی کرونا وبا کی تیسری لہر کے خلاف عوام میں آگاہی کا سلسلہ جاری رکھا اور لوگوں کو کرونا ایس او پیز پر عمل کرنے کی تاکید کی اور پر ہجوم جگہوں پر جانے سے گریز کرنے اور ماسک کے استعمال پر زور دیا اس سلسلے میں موبائل ایجوکیشن یونٹ کے ممبران نے شہریوں میں ماسک اور آگاہی پمفلٹس تقسیم کئے ایجوکیشن ٹیم نے ملک میں ٹریفک حادثات کی بڑھتی ہوئی شرح کی روک تھام کے لئے شہریوں کو روڈ سیفٹی کے حوالے سے ون ویلنگ اور اوور سپیڈنگ کے نقصانات سے بھی آگاہ کیا اور ہیلمٹ کے استعمال اور ٹریفک قوانین کی پ اسداری پر زور دیا یونٹ نے۔دوران ڈرائیونگ سیٹ بیلٹ کا استعال کرنے اور موبائل فون کے استعمال سے اجتناب کرنے کے فوائد سے آگاہ کیا ، اگلی گاڑی سے مناسب فاصلہ رکھنے،سفر کرنے سے پہلے گاڑی کی اگلی اور پچھلی لائٹس کو چیک کر کے سفر کرنے کی عادت اپنانے پر زور دیا موبائل ایجوکیشن یونٹ کے ممبران نے بڑی تعداد میں سست رفتار گاڑیوں پر ریفلکٹرز چسپاں کئے ۔ اور بڑی تعداد میں آگاہی پمفلٹس تقسیم کئے۔
