اسلام آباد (نیوزڈیسک) صدر مملکت ڈاکٹرعارف علوی نے جسٹس قاضی فائز عیسیٰ ریفرنس میں نئی درخواست دائر کردی ہے اورمؤقف اپنایا ہے کہ نظر ثانی درخواست پر فیصلہ آنے کے بعد بھی ازخود نوٹس کےدائرہ اختیار پر سماعت کی جاسکتی ہے۔ صدر عارف علوی نے ازخود نوٹس دائرہ اختیار کے تحت آئینی درخواست دائر کی ہے جس میں جسٹس قاضی فائز عیسٰی کو بھی 70 صفحات پر مشتمل درخواست میں فریق بنایا گیا ہے یا د رہے کہ گزشتہ ماہ سپریم کورٹ نے جسٹس قاضی فائز عیسیٰ کی نظرثانی درخواستیں منظور کر لی تھیں۔نظرثانی درخواستوں میں 19 جون 2020 کے فیصلے پر نظرثانی کی استدعا کی گئی تھی، نظرثانی اپیل میں کہا گیا تھا کہ لندن جائیدادوں کی تحقیقات ایف بی آر کو بھیجنے کا فیصلہ واپس لیا جائے۔ان درخواستوں پر فیصلہ جسٹس قاضی فائز عیسیٰ کے حق میں آیا تھا
