پاکستان نے دو ٹیسٹ میچوں کی سیریز کا دوسرا ٹیسٹ بھی ایک اننگز اور 147 رنز سے جیت کر زمبابوے کو وائٹ واش کر لیا۔دوسری اننگز میں زمبابوے کی پوری ٹیم 231 رنز پر ڈھیر ہو گئی جبکہ پاکستان کے 510 رنز کے جواب میں زمبابوے کی پوری ٹیم پہلی اننگز میں 132 رنز پر ڈھیر ہو گئی تھی۔ فالو آن کا شکار زمبابوے کی ٹیم دوسری اننگز میں صرف 231 رنز ہی بنا سکی ۔ شاہین آفریدی اور نعمان علی نے 5، 5 کھلاڑیوں کو آؤٹ کیا۔پاکستان کے 510 کے جواب میں زمبابوے کی ٹیم پہلی اننگز میں حسن علی اور ساجد خان کی شاندار باؤلنگ کے آگے زیادہ دیر وکٹ پر کھڑی نہ رہ سکی اور پوری ٹیم 132 رنز بناکر پویلین لوٹ گئی۔ حسن علی نے 5 وکٹیں حاصل کیں جب کہ شاہین شاہ آفریدی اور تابش خان نے ایک ایک کھلاڑی کو آؤٹ کیا۔اس سے قبل پاکستان نے عابد علی کی ڈبل سنچری اور اظہر علی کی سنچری کی بدولت اپنی اننگز 510 رنز پر ڈکلیئر کی۔ اوپنر عابد علی نے کیریئر کی پہلی ڈبل سنچری سکور کی وہ ہرارے میں ڈبل سنچری بنانے والے دوسرے پاکستانی بلے باز بن گئے۔ اس سے قبل سابق کپتان اور موجودہ بیٹنگ کوچ یونس خان نے 2013 میں ڈبل سنچری سکور کی تھی۔نعمان علی نے 97، محمد رضوان 21 اور ساجد خان 20 رنز بناکر نمایاں رہے
