پی ایس ایل کے بقیہ میچز کراچی سے یواے ای منتقل کرنے کا فیصلہ کرلیا گیا ۔ذرائع کے مطابق پی سی بی اور فرنچائز مالکان کے ورچویل اجلاس میں یہ فیصلہ کیا گیا۔ اجلاس میں لیگ کے میچز کے لیے دبئی اور ابو ظہبی کے مقامات زیر غور آئے پی سی بی نے لیگ کے لیے امارات کرکٹ بورڈ کو خط لکھ دیا ہے جس میں لیگ کے لیے مجوزہ تاریخوں میں اسٹیڈیمز اورہوٹلز کی دستیابی کے بارے درخواست کی ہے دونوں میں سے دستیاب وینیو پر لیگ کے بقیہ میچز کرائے جائیں گےفرنچائز اور پی سی بی کے اجلاس میں لیگ کے لاجسٹک معاملات پر غور کیا گیا فرنچائز نے لیگ بروقت کروانے کے مشکل فیصلے میں بورڈ کو مکمل تعاون کی یقین دہانی کرادی
