پاکستان ٹیلی کمیونیکیشن اتھارٹی (پی ٹی اے) کی جانب سے پاکستان میں موجود تمام سم نیٹ ورکس کمپنیوں کو ہدایت نامہ جاری کیا گیا ہے کہ صارف کی مرضی کے بغیر اس کے فون میں کسی قسم کی ویلیو ایڈڈ خدمات فعال نہ کی جائیں ۔پی ٹی اے نے سیلولر موبائل آپریٹرز کو تنبیہ کرتے ہوئے کہا کہ اپنے صارف کو ویلیو ایڈڈ سروس کا تصدیقی پیغام یا نوٹیفکیشن لازمی بھیجیں تاکہ صارف کی رضامندی اس میں شامل ہو، بغیر رضامندی کے کسی صارف کے فون میں ویلیو ایڈڈ خدمات نہ دی جائیں۔ پی ٹی اے نے بتایا کہ یہ قدم صارفین کی شکایات موصول ہونے کے بعد اٹھایا گیا ہے، صارفین کے مطابق اکثر موبائل آپریٹرز بغیر صارف کی رضامندی کے تیسری پارٹی سمیت دیگر ویلیو ایڈڈ خدمات فعال کردیتے ہیں۔
