لا ہور (نیوزڈیسک ) سابق وزیردا خلہ چوہدری نثار کے حلف میں رکاوٹ بننے والوں کی ترکیب کا میاب ہو گئی ،سپیکر اور ڈپٹی سپیکر کی عدم موجودگی کے باعث سابق وزیر داخلہ چوہدری نثار علی خان پنجاب اسمبلی کا حلف نہ اٹھا سکے انہوں نےعدالت کا دروازہ کھٹکھٹانے کا عندیہ دیتے ہو ئے کہا کہ دودن بعد بتاوں گا کو ن حلف نہیں لینے دے رہا پنجاب اسمبلی کے باہر میڈیا سے گفتگو کرتے ہو ئے انہوں نے کہا کہ حلف لینے کا فیصلہ اس لیے کیا کیونکہ حکومت خود ساختہ آرڈیننس لا رہی ہے۔ آئین کے تحت چیئرمین پینل کے ذریعے اسمبلی کا حلف اٹھایا جا سکتا ہے۔میں کسی کھیل کا حصہ نہیں، شہباز شریف سے ملاقات کی باتیں قیاس آرائیاں ہیں۔ اس ملک کو مفاہمت کی ضرورت ہے۔انہوں نے کہا کہ ا گر مجھے حلف نہ اٹھا نے دیا گیا تو پھر دو دن بعد بتاؤں گا کون حلف نہیں لینے دے رہا، پھر کھل کر بات ہوگی اور سوالوں کا جواب دے سکوں گا ان کا کہنا ہے کہ ایک ہفتے پہلے پنجاب اسمبلی اور الیکشن کمیشن کو کاپی بھیج دی تھی لیکن آج کہا گیا کہ سپیکر اور ڈپٹی سپیکر کے بغیرحلف نہیں لیا جاسکتا، یہ موقف بالکل غلط ہے، عین ممکن ہے کہ میں کل یا پرسوں اس معاملے کو لے کر عدالت چلا جاؤں انہوں نے کہا کہ حکومت آرڈیننس میں ڈس کوالیفائی کیشن کا اضافہ کر رہی ہے، مجھے رات کے اندھیرے میں آرڈیننس لانے پر اعتراض ہے۔ پچھلے الیکشن میں صوبائی اسمبلی سے 34 ہزار کی لیڈ سے منتخب ہوا تھا وزیراعظم کے بارے میں بات کرتے ہوئے ان کا کہنا تھا کہ عمران خان کے اس وقت بہت سارے دوست ہیں، ان کو مشورے کی ضرورت نہیں، پھر بھی میں ان سے کہوں گا کہ ٹھنڈا کرکے کھائیں۔
