اسلام آباد (نیوزٹویو) وزیراعظم عمران خان کو بنی گالہ میں کرکٹ گروانڈ کے اعلان اورتصاویر کی شیئرنگ پر سوشل میڈیا پرتعریف کے ساتھ زبردست تنقید کا سا منا کرنا پڑ گیا ہے وزیرا عظم عمران خان نےایک طرف پا کستان میں ایک بڑی شجر کاری مہم کی تیاری کا پیغام دپا تاہم دوسری جانب بنی گالہ ایلیٹ کلاس اوردوستوں کے لیے تیا ر کراوئی جانےوالی کرکٹ گراونٖڈ کی تعمیر کے لیے بڑے پیمانے پر درختوں کی کٹا ئی کر دی گئی ہےوزیراعظم پاکستان عمران خان نے بنی گالہ اسلام آباد میں اپنی رہائش گاہ کے قریب مقامی رہائشیوں کے لیے کرکٹ گراونڈ بنانے کا اعلان کیا تھا اور اتوار کواس گراؤنڈ کا دورہ کر کے ابتدائی کام کی تصاویر سوشل میڈیا پر شیئر کی ہیں۔ ان تصاویر میں کرکٹ گروانڈ کو درختوں سے بالکل صاف کر دیا گیا ہے اور گراونڈ کے ا طراف کناروں پر لگے درخت بھی کٹائی کی نظر ہو گئے ہیں حا لا نکہ ان کو کا ٹنے کی ضرورت نہیں تھی جبکہ وزیراعظم نے کرکٹ گراونڈ کی تیا ری کی جو فضا سے نظر آنے والے نظارے کی تصویر شیئر کی ہے اس میں گراونڈ کے علا قے کے علا وہ چاروں اطراف کے علا قوں میں درختوں کے علا وہ کچھ نظر نہیں آرہا لیکن کرکٹ گراونڈ کو درختوں سے مکمل صاف کر دیا گیا ہےمقامی لوگوں کا کہنا ہے کہ یہ کرکٹ گراونڈ یہاں کے بڑے لوگوں اور وزیراعظم کے دوستوں کے لیے تیا رکی جا رہی مقامی کرکٹ کھیلنے والوں کی اس گراونڈ میں رسا ئی مشکل ہو گی
اتوارکو وزیراعظم کی جانب سے ٹوئٹر پر اس گراؤنڈ کی تصاویر شیئر کرنے کے بعد کئی سوشل میڈیا صارفین نے اس کی تعریف اور کئی نے تنقید کی ہے وزیراعظم عمران خان نے اپنےٹویٹ میں لکھا ہے کہ بنی گالہ کے نوجوانوں کے لیے ہم ایک کرکٹ گراؤنڈ تیار کروا رہے ہیں اور ملک بھر میں یونین کونسل کی سطح پر کھیلوں کے میدان مہیا کرنے کی منصوبہ بندی کر رہے ہیں۔وزیراعظم کی اس ٹویٹ پر سوشل میڈیا صارف پرویز میمننے کہا کہ کیا یہ ترجیح ہے؟ میرے خیال میں بنی گالہ کے نوجوانوں کے لیے کالج کا بننا زیادہ ضروری ہے۔ٹوئٹر صارف محمد اعجاز نے لکھا کہ ایک صحت مند قوم کے لئے صحت مند سرگرمیوں کا فروغ ضروری ہے۔وزیراعظم کے فوکل پرسن ارسلان خالد نے ٹویٹ کیا کہ ’کورنگ نالہ، بنی گالہ میں یہ کرکٹ گراؤنڈ مقامی نوجوانوں کے لیے بنوا رہے ہیں۔ وزیراعظم کا ویژ ن ہے کہ پورے ملک میں نوجوانوں کے لیے جہاں جہاں سرکاری اراضی کو نوجوانوں کے لیے کھیل کے میدانوں اور پارکوں میں تبدیل کیا جاسکتا ہے، فورا کیا جائے فریال خان اس موضوع پر تبصرہ کرتے ہوئے لکھتی ہیں کہ سر، ان کرکٹ، فٹ بال گراؤنڈ بنانے پر جو کروڑوں اربوں لگتے ہیں۔ کیا ہی بہتر ہوتا وہ پیسے تعلیم،صحت پر لگتے۔سینکڑوں سوشل میڈیا صارفین نے وزیراعظم کی ٹویٹ پر تبصرہ کرتے ہوئے اپنے علاقوں میں کھیلوں کے میدان بنانے کا مطالبہ کیا۔
کرکٹ گراونڈ کی تعمیر پر دازئی نامی ٹوئٹر ہینڈل سے کھا گیا کہ ’سب کچھ بنی گالہ میں ہی بنا دیں، جیسے شریف نے سب کچھ لاہور میں بنایا تھا۔ زیادہ آبادی والے شہروں میں گراونڈ کی کمی کے کی نشاندہی کرتے ہوئے صارف ذیشان احمد نے کہا کہ بنی گالہ کی آبادی کتنی ہے؟ اور کتنے ایسے گاؤں ہیں جہاں کی آبادی بنی گالہ سے زیادہ ہونے کے باوجود وہاں کھلینے کے لیے گروانڈ نہیں ہیں۔وجیہ یوسفزئی نے عمران خان کو ان کا ایک پرانا وعدہ یاد دلاتے ہوئے لکھا کہ پہلے ان نوجوانوں کے لیے وزیراعظم ہاؤس میں یونیورسٹی بنائی جائے۔
