اسلام آباد (نمائندہ نیوزٹویو)حکومت نے سرکاری ملازمین کی ا میدوں کے برعکس آئندہ مالی سال کے وفاقی بجٹ میں سرکاری ملازمین کوصرف 10 فیصد ایڈہاک ریلیف الائونس جبکہ پنشن میں بھی 10 فیصد اضافے کا اعلان کیا ہے۔ جبکہ سرکای ملازمین کو امید تھی کہ کم ازکم ان کی بنیادی تنخواہ میں15فیصد ا ضا فہ ہو گا قومی اسمبلی میں پیش کئے جانے والے آئندہ مالی سال کے بجٹ کی تقریر میں وزیر خزانہ شوکت ترین نے اعلان کیا کہ معاشی حالات میں بہتری آئی ہے اور ہم محسوس کرتے ہیں کہ قیمتوں میں اضافے کی وجہ سے لوگوں کی قوت خرید بھی متاثر ہوئی ہے اس لئے سرکاری ملازمین اور پنشنرز کے لئے اقدامات کا اعلان کیا جاتا ہے جس کے مطابق یکم جولائی 2021ءسے تمام وفاقی سرکاری ملازمین کو دس فیصد ایڈہاک ریلیف الائونس دیا جائے گاانہوں نے کہا کہ یکم جولائی سے پنشن میں دس فیصد اضافہ کیا جائے گا۔ اردلی الائونس 14 ہزار روپے ماہانہ سے بڑھا کر 17500 کردیا جائے گا۔ گرید ایک سے پانچ تک کے ملازمین کے انٹیگریٹڈ الائونس 450 روپے سے بڑھا کر 900 روپے کئے جانے کی تجویز ہے۔
