“زندگی گلزار ہے” آج سے بھارت میں نشر کیا جائے گا

پاکستان کے مشہور ڈرامہ سیریل “زندگی گلزار ہے” کو بھارت میں نشر کیا جائے گا۔ یہ ڈرامہ بھارتی نجی ٹی وی چینل پر دکھایا جائے گا۔سماجی رابطوں کی ویب سائٹ ٹوئٹر زی ٹی وی کی جانب سے ٹویٹ کی گئی ہے جس میں بتایا گیا ہے کہ پاکستانی اداکار فواد خان اور اداکارہ صنم سعید کے مرکزی کرداروں پر مبنی ڈرامہ 5 جون سے آن ایئر ہو گا۔ بھارتی ناظرین کی جانب سے اس ڈرامہ کی بہت فرمائش کی گئی تھی جس کے بعد زی ٹی وی نے اپنے ناظرین کے لیے یہ فیصلہ کیا۔زندگی گلزار ہے 2012 کی مشہور ڈرامہ سیریل ہے جو پاکستان کے ایک نجی ٹی وی پر نشر ہوئی تھی۔ ڈرامہ کے مرکزی کرداروں میں فواد خان اور صنم سعید تھے۔ صنم سیعد نے “کشف” کا مرکزی کردار نبھایا اور فواد خان نے کشف کے مدمقابل “زارون” کا مرکزی کردار نبھایا۔

اس خبر پر اپنی رائے کا اظہار کریں

اپنا تبصرہ بھیجیں