اسلام آباد (نمائندہ نیوز ٹو یو) سپریم کورٹ نے لیگی رکن صوبائی اسمبلی محمد کاشف کی نااہلی کے خلاف اپیل سماعت کیلئے منظور کرلی سپریم کورٹ نے معاونت کیلئے اٹارنی جنرل کو نوٹسز جاری کردئیےدرخواست گزارکے وکیل بیرسٹر قمر نے عدالت سے ا ستدعاکی کہ سبزواری بہاولنگر کے رکن صوبائی اسمبلی ہیں ان کو اسلام آباد ہائیکورٹ نااہل نہیں کرسکتی اسلام آباد ہائیکورٹ نے دائرہ اختیار سے تجاوز کیا درخواست گزار کی ڈگری کو یونیورسٹی درست کہہ چکی ہے الیکشن کمیشن کے وکیل نعیم بخاری نے کہا کہ الیکشن کمیشن پورے ملک میں انتخابات کرواتا ہےالیکشن کمیشن کے فیصلے کو اسلام آباد ہائیکورٹ میں چیلنج کیا جا سکتا ہےخواجہ آ صف کو بھی اسلام آباد ہائیکورٹ نے نااہل کیا تھاجسٹس منیب اخترنے ریمارکس دئیےکہ خواجہ آصف رکن قومی اسمبلی تھے جبکہ درخواست گزار صوبائی اسمبلی سے تعلق رکھتے ہیں جسٹس عمر عطا بندیا ل نے کہا کہ اپکی درخواست الیکشن کمیشن کے کسی نوٹیفیکشن یا فیصلے کے خلاف نہیں تھی جسٹس منیب اختر نے کہا کہ دائرہ اختیار کا پہلو نہایت اہم ہے نظر انداز نہیں کیا جا سکتا، جسٹس عمر عطا بندیال نے کہا کہ اٹارنی جنرل کو نوٹسز کر رہے ہیں کیس کو جلد دوبارہ سماعت کیلئے مقرر کیا جائےچھٹیوں میں بھی سپریم کورٹ ججز کام کریں گےکیس ممکن ہے چھٹیوں میں ہی دوبارہ مقرر ہو عدالت نے مزید سماعت غیر معینہ مدت کیلئے ملتوی کردی سپریم کورٹ ہائیکورٹ کا فیصلہ پہلے ہی معطل کرچکی ہے
