لاہور/کراچی (نیوز ڈیسک) مسلم للیگ ن کے صدرا اور قا ئد حزب ا ختلاف شہباز شریف نےڈہرکی کے قریب سرسید ایکسپریس اور ملت ایکسپریس کےتصادم پر رنج و غم اور افسوس کا اظہارکرتے ہو ئےکہا ہے کہ ٹرین کے تصادم میں قیمتی جانوں کے ضیاع اور درجنوں مسافر زخمی ہونے پر دلی دکھ ہے، متاثرہ خاندانوں سے ہمدردی اور تعزیت کرتے ہیں۔انہوں نے مطالبہ کیا ہے کہ واقعہ کی غیر جانبدارانہ تحقیقات کرا ئی جا ئیں قائد حزب اختلاف نے اپنے بیان میں کہاکہ حادثے کی جگہ سمیت سکھر ڈویژن میں 13 مقامات پر ٹریک کی حالت ٹھیک نہ ہونے کی تحریری رپورٹ کے باوجود مجرمانہ غفلت کیوں برتی گئی، افسوس موجودہ دور ٹرین کے حادثات کا دور ثابت ہو رہا ہے، واقعے کی حقیقی، غیر جانبدارانہ تحقیقات کرائی جائے اور ذمہ داران کے خلاف سخت کارروائی کی جائے۔ انہوں نے کہا کہ اللہ تعالی مرحومین کو جنت الفردوس میں جگہ دے اور لواحقین کو صبر جمیل دے۔سابق صدرآصف علی زرداری نے ریل گاڑیوں کےحادثے پر قیمتی انسانی جانوں کے نقصان پر افسو س کا اظہار کیا ہے آصف زردای نے جان بحق افراد کے لواحقین سے ہمدردی اور تعزیت بھی کی۔ انہوں نے کہا کہ وفاقی حکومت جانبحق افراد کے لواحقین کو معاوضہ ادا کرے، حکومت سندھ زخمیوں کی جانیں بچانے کیلیے ٹھوس اقدامات اٹھائے
