کوئٹہ: کوئٹہ کے علاقے خروٹ آباد میں دستی بم کے دھماکے میں 3 بچے جاں بحق اور 3 زخمی ہوگئے۔ بچوں کوک دستی بم قبرستان میں پڑا ہوا ملا اور انکے ہاتھ لگاتے ہی بم پھٹ گیا جس کے نتیجے میں بچوں کا جانی نقصان ہوا۔پولیس کے مطابق دستی بم پھٹنے کا واقعہ نواحی علاقے خروٹ آباد کی کلی بادیزئی میں پیش آیا جہاں بچوں کو قریبی قبرستان میں کھیلتے وقت ایک دستی بم ملا جو بعد ازاں وہ زوردار دھماکے سے پھٹ گیا۔ پولیس کا کہنا ہے کہ دھماکے سے تین بچے جاں بحق اور 3 زخمی ہوئے جب کہ واقعے کے بعد پولیس اور ایف سی اہلکار موقع پر پہنچ گئے۔ پولیس کے مطابق سی ٹی ڈی نے واقعے کی تحقیقات شروع کردی ہیں
