لاہور ایکسپو سینٹر میں ویکسین ختم ہونے پر شہری شدید غصے میں،دروازے توڑ کر اندر داخل

لاہور(نیوز ڈسک) ایکسپو سینٹرمیں کورونا ویکسین ختم ہونے پر شہری دروازے توڑ کر اندر داخل ہوگئے اور شیشے توڑ ڈالے، انتظامیہ کا کہنا ہے کہ ویکسین ختم ہوچکی ہے شہری واپس جانے کوتیارنہیں۔لاہور ایکسپو سینٹرمیں کورونا ویکسین کی کمی پر شہری پھٹ پڑے اور ایکسپوسینٹر کے دروازے توڑ کر اندر داخل ہوگئے، اس دوران شہریوں نے دروازوں کے شیشے بھی توڑ ڈالے۔شہریوں کا کہنا تھا کہ صبح سےکھڑےہیں لیکن ویکسین نہیں لگائی جارہی جبکہ انتظامیہ نے عملے کو کاؤنٹرزبندکرنےکاحکم دے دیا۔دوسری جانب لاہور کے ایکسپوسینٹر میں آسٹرازینیکاکا اسٹاک بھی ختم ہوگیا ، ریسکیوعملے نے ویکسین ختم ہونے کا اعلان کیا لیکن لوگ رکاوٹیں توڑ کر ہال میں گھس گئے ، جس کے بعد شہریوں کوایکسپوسینٹرسے واپس بھجوایا جانے لگا۔گذشتہ روز محکمہ صحت نے کورونا ویکسین کی قلت کے باعث دو روز کیلئے ویکسین کے عمل روکنے کا فیصلہ کرتے ہوئے کہا تھا کہ پنجاب میں ایک دن اسٹاک موجود ہے، ویکیسن کی دو لاکھ ڈوزز اتوار کی شام تک پہنچ جائیں گی۔