ملک میں مہنگائی کی شرح 0.28 فیصد بڑھ گئی

آسلام آباد (نیوز ڈیسک) ادارہ شماریات نےمہنگائی کے ہفتہ واراعدادوشمار جاری کردیئے۔ ادارہ شماریات  کے مطابق رواں ہفتے 21 اشیائے ضروریہ مہنگی، 9 سستی ہوئیں، مرغی اورآٹے کا تھیلا پھرمہنگا، چینی سستی ہوگئی۔ ایک ہفتے میں برائلر 12 روپے 19 پیسے، ٹماٹر 4 روپے 69 پیسےفی کلو مہنگا ہو گیا۔ لہسن 8 روپے 48 پیسے،آلو 95 پیسے فی کلومہنگے ہوئے۔ بیف 3 روپے 7 پیسے،مٹن 4 روپے 36 پیسےفی کلو مہنگا ہوا۔ گڑ ایک روپے 44 پیسے،خوردنی گھی کا ڈھائی کلو کاڈبہ 2 روپے ایک پیسےمہنگا ہو گیا۔ چاول 23 پیسےفی کلو، آٹے کا 20 کلو کا تھیلا 59 پیسے مہنگا ہوا۔ دال مونگ 3 روپے 99 پیسے، دال ماش 3 روپے 18 پیسے فی کلو سستی۔ دال چنا ایک روپے 78 پیسے، دال مسور ایک روپے 26 پیسے فی کلو سستی۔  

اس خبر پر اپنی رائے کا اظہار کریں

اپنا تبصرہ بھیجیں