وزیراعلیٰ پنجاب سردارعثمان بزدار کا کہنا ہے کہ اپوزیشن کے پاس اب ماسوائے شرمندگی کے کچھ نہیں بچا ہے۔ تفصیلات کے مطابق جھوٹ اور منفی سیاست زیادہ دیر نہیں چلتی، اپوزیشن جماعتوں کاغیرفطری اتحاد اپنے منطقی انجام کی جانب بڑھ رہا ہے ۔ انہوں نے کہا کہ ان عناصر نے قومی مفادات کو یکسر فراموش کیا، ملک کی ترقی کے سفر میں رخنہ ڈالنے والوں کو عوام بری طرح مسترد کرچکے ہیں۔وزیراعلیٰ پنجاب نے یہ بھی کہا ہے کہ اپوزیشن جماعتوں نے ہر موقع پر ترقی کے سفر کو روکنے کی کوشش کی، مشکل حالات کے باوجود آگے کی جانب بڑھ رہے ہیں اور بڑھتے رہیں گے۔ انہوں نے مزید یہ بھی کہا کہ پاکستانی قوم اپوزیشن عناصر کے غیر ذمہ دارانہ منفی رویے کو کبھی معاف نہیں کرے گی۔
