اسلام آباد (نیوز ڈسک) پاکستان نےایف اے ٹی ایف کے 26پوائنٹس پر پیش رفت مکمل کرلی ہے ، ایک نکات پر عملدرآمد کےبعد پاکستان گرے لسٹ سے نکلنے کیلئے پُر امید ہے۔ فیٹف ایکشن پلان کےتحت 27پوائنٹس پرعملدرآمد کیلئے کہا گیا تھا۔ ذرائع نے کہا ہے کہ پاکستان کوگرے لسٹ سے نکالنے یا برقرار رکھنے کا فیصلہ سیاسی نوعیت کاہو گا، انٹرنیشنل آپریشن ریویو گروپ کا ورچوئل اجلاس آج ہو گا، گروپ میں چائنا،یوایس اے،یوکے،فرانس،انڈیاشامل ہیں۔ ذرائع کے مطابق پاکستان کی جانب سےعملدرآمد نکات پررپورٹ تیارکی جائے گی اور گروپ کی رپورٹ فیٹف پلینری اجلاس میں پیش کی جائےگی، فیٹف پلینری میٹنگ 21سے 25 جولائی تک ہوگیا۔ میٹنگ میں پاکستان سے متعلق سب گروپ کی رپورٹ پیش کی جائے گی ، پاکستان کی جانب سے ایک نکات پر عمل درآمد باقی رہ گیا، عملدرآمد کےبعد پاکستان گرے لسٹ سے نکلنے کیلئے پر امید ہے ۔ گزشتہ میٹنگ تک پاکستان نے 24 نکات پر عملدرآمدکیا تھا ، جون 2018 میں ایف اے ٹی ایف نے پاکستان کو اپنی گرے لسٹ میں شامل کیا ، اس سلسلے میں ضروری اقدامات اٹھانے کے لیے پاکستان کو اکتوبر 2019 تک وقت دیا گیا، جس کے بعد میں مزید توسیع کر دی گئی تھی۔
