کراچی(نیوز ڈسک) صوبائی ڈیزاسٹرمینجمنٹ اتھارٹی نے کراچی سمیت سندھ میں مون سون بارشوں کی پیشگوئی کے پیش نظر تمام اداروں کو الرٹ رہنے کا حکم دے دیا۔ کراچی سمیت سندھ میں مون سون بارشوں کی پیشگوئی کے بعد نقصانات سےبچنےاورحفاظتی انتظامات کیلئے اداروں کو الرٹ رہنے کی ہدایت کردی گئی ہے۔اس حوالے سے اتھارٹی کی جانب سے متعلقہ اداروں کو مراسلہ جاری کردیا گیا ہے ، جس میں کہا ہے کہ محکمہ موسمیات نے سندھ میں پری مون سون کی پیشگوئی کی ہے، 16سے19جون تک تیزہواؤں اورموسلا دھار بارشوں کا امکان ہے۔مراسلہ میں کہا گیا ہے کہ بحیرہ عرب کےشمال سےسسٹم سندھ میں16جون کوداخل ہونے کا امکان ہے ، جس کے باعث سکھر، لاڑکانہ، شکارپور، جیکب آباد اور گھوٹکی میں بارش متوقع ہے جبکہ کراچی میں18اور19جون کوتیزہواؤں کیساتھ بارش کاامکان ہے۔یاد رہے محکمہ موسمیات نے پاکستان میں مون سون بارشوں کی پیشگوئی کرتے ہوئے کہا تھا کہ مختلف علاقوں میں اس سال معمول سےزیادہ بارشیں متوقع ہے، مون سون کاسیزن جولائی سےستمبر3ماہ پرمشتمل ہوتاہے۔اس دوران جنوبی وشمالی پنجاب اورسندھ میں معمول سے زائد بارشیں ہوں گی، جس کے باعث پنجاب، سندھ ،کےپی میں اربن فلڈنگ کے خدشات ہیں۔
