یوروکپ میں اپ سیٹ کا سلسلہ جاری، دفاعی چیمپئن پرتگال کے بعد عالمی چیمپئن فرانس بھی ایونٹ سے آؤٹ

یوروکپ میں اپ سیٹ کا سلسلہ جاری ہے، دفاعی چیمپئن پرتگال کے بعد عالمی چیمپئن فرانس بھی ایونٹ سے آؤٹ ہوگیا ہے۔ عالمی چیمپئن فرانس یوروکپ سے باہر ہوگیا، سوئٹزرلینڈ نے اعصاب شکن مقابلے میں فرانس کو شکست دے کر ایونٹ سے آوٹ کیا اورایونٹ کے کوارٹر فائنل میں جگہ بنالی۔میچ میں دونوں ٹیموں کےدرمیان کانٹےکامقابلہ ہوا، سوئٹزرلینڈ نےمیچ آخری منٹ میں گول کرکے اسکور3-3 سےبرابر کیا، اہم میچ کا فیصلہ پینالٹی ککس پر ہوا، اضافی وقت میں سوئٹزرلینڈنے فرانس کو4 کےمقابلےمیں5 گول سے شکست دےکرعالمی چیمپئن کویوروکپ سےباہر کیا۔دوسرے میچ میں اسپین نےکروشیاکو ہرا کر کوارٹر فائنل میں اپنی جگہ پکی کی۔گذشتہ روز کھیلے گئے میچز میں بیلجئیم نے پرتگال کو ایک صفر سے شکست دے کر یورو کپ سے باہر کیا جبکہ چیک رپبلک نے ہالینڈ کو اپ سیٹ شکست دیتے ہوئے کوارٹر فائنل میں جگہ بنائی۔

اس خبر پر اپنی رائے کا اظہار کریں

اپنا تبصرہ بھیجیں