اسلام آباد (نیوزٹویو)وفاقی دارالحکومت میں کورونا کے کیسز کی شرح میں ا ضا فے کے بعد حکومت نے ویکسینیشن نہ کرانے والوں کے خلاف سخت اقدامات کا آغاز کر دیا ہے اس ضمن میں اسلام آباد میں سٹاف کی ویکسینیشن نہ کرانے والی 25 دکانیں اورریسٹورنٹس کو سیل کر دیا گیا جبکہ کورونا مثبت کیسز کے شرح زیادہ آنے پردو تعلیمی اداروں کو بھی سیل کر دیا گیااسلام آباد انتظامیہ کے مطابق پی ڈبلیو ڈی میں واقع نجی سکول اور اسلام آباد ماڈل کالج فار بوائز ایف ایٹ تھری اسلام میں سات سات کیسز رپورٹ ہوئےدونوں تعلیمی اداروں میں کورونا کیسز کی تصدیق کے بعد ڈسٹرکٹ میجسٹریٹ اسلام آباد نے انہیں سیل کرنے کا نوٹی فیکیشن جاری کر دیا ہے ڈپٹی کمشنر اسلام آباد نےاسلام آباد انتظامیہ، ڈی ایچ او آفس اور متعلقہ اسسٹنٹ کمشنرز کے ہمراہ اسلام آباد کی مختلف مارکیٹوں میں 100 کے قریب دکانوں اور ریسٹورنٹس کا دورہ کیا اور کورونا سے متعلق ضوابط پر عمل درآمد کا جائزہ لیا۔حمزہ شفقات کے مطابق اسلام آباد میں کورونا کے مثبت کیسز کی شرح ایک فیصد سے بڑھ کر پانچ فیصد پر چلی گئی ہے خدشہ ہے کہ یہ بڑھ کر آٹھ فیصد پر نہ چلی جائے جو خطرے کا باعث بن سکتی ہےانہوں نے بتایا کہ کورونا مثبت کیسز میں اب زیادہ تر ڈیلٹا قسم سامنے آرہی ہے۔ تیزی سے کورونا پھیلنے والے علاقوں میں سمارٹ لاک ڈاؤن لگایا جائے گا
