اسلام آباد (نیوزٹویو) سونا 500 روپے مہنگا ہو گیادوسری جانب سٹاک مارکیٹ میں زبردست تیزی،سرمایہ کاروں کو 60ارب سے زا ئد کا فائدہ ہوا تفصیلات کے مطابق بین الاقوامی مارکیٹ میں سونے کی فی اونس قیمت میں 18 امریکی ڈالر کا ا ضا فہ ہوا ہے جس کے بعد سونے کی فی اونس نئی قیمت ایک ہزار 776 امریکی کرنسی ہو گئی ہے۔
عالمی مارکیٹ میں قیمتیں بڑھنے کے بعد ملک کی لاہور، کراچی، اسلام آباد،پشاور، کوئٹہ، حیدر آباد، سکھر، راولپنڈی، گوجرانوالا کی صرافہ مارکیٹوں سمیت دیگر جگہوں پر فی تولہ سونے کی قیمت میں 500 روپے کا اضافہ کر دیا گیا جس کے بعد پا کستان کی ما رکیٹوں میں سونے فی تولہ قیمت ایک لاکھ 8ہزار 500 روپے ہو گئی ہے۔ جبکہ فی تولہ سونےکی طرح دس گرام کی قدر 429 روپے اضافے کے بعد 93021روپے ہو گئی ہےتاہم چاندی کی فی تولہ اور دس گرام قیمتں مستحکم رہین جس کے بعد ان کی قیمتیں بالترتیب 1410 روپے اور 1208.84 روپے کی سطح پر برقرار ہے۔اُدھر پاکستان سٹاک مارکیٹ میں رواں ہفتے کے چوتھے کاروباری روز کے دوران 444.55 پوائنٹس کی تیزی ریکاڈ کی گئی جس کے بعد انڈیکس 47800.57 پوائنٹس کی سطح پر پہنچ کر بند ہوا، پورے کاروباری روز کے دوران کاروبار میں 0.94 فیصد کی بہتری دیکھی گئی اور 13 کروڑ 99 لاکھ 77 ہزار 282 شیئرز کا لین دین ہوا جس کے باعث سرمایہ کاروں کو 60 ارب روپے سے زائد کا فائدہ ہوا۔
