کا بل (نیوزٹویو)طالبان نے صوبہ ہلمند کے ضلع گرمیسر پر بھی قبضہ کر لیا ہے جس کے بعد طالبان نے دارالحکومت لشکرگاہ کی جا نب پیش قدمی شروع کر دی ہےہلمند پر برطانیہ کا قبضہ رہا ہےمگر اب وہاں سے برطانوی افواج مکمل طور پر نکل چکی ہیں اور طالبان اضلاع پر قبضہ کر رہے ہیں دوسری جا نب طالبان نے قندھار میں بھارتی قونصلیٹ کی عمارت کو اپنے قبضے میں لے لیا ہےافغانستان میں طالبان کی مسلسل فتوحات کا سلسلہ جاری ہے گزشتہ چھ روز میں طالبان نے 38 اضلاع کا کنٹرول حاصل کرلیا ہے۔ گزشتہ 24 گھنٹوں کے دوران طالبان نے صوبہ غور کے 2 اضلاع پر قبضہ کیا جبکہ طالبان کے حملوں کے پیش نظر کابل ائیرپورٹ پر ائیر ڈیفنس سسٹم نصب کردیا گیا ہے ۔طالبان نے ہرات صوبے کے ضلع چشت شریف میں درجنوں گاڑیاں قبضے میں لے لیں ہیں ادھر طالبان کا خوف کابل پر بھی منڈلانے لگا ہے کابل ائیر پورٹ پر ائیر ڈیفنس سسٹم نصب کردیا گیا۔ افغان وزارت دفاع اور داخلہ نے ائیر ڈیفنس سسٹم کی تنصیب کی تصدیق کرتے ہوئے بتایا ہے کہ ائیر ڈیفنس سسٹم طالبان کے میزائل حملوں سے بچنے کے لئے لگایا جارہا ہے جبکہ ڈیفنس سسٹم گزشتہ رات سے آپریشنل کردیا گیا تھا۔
دوسری جانب مطابق افغان طالبان نے قندھار میں بھارتی قونصل خانے پر قبضہ قونصل خانے پر قبضے کی ویڈیو سوشل میڈیا پر جاری کردی گئی جبکہ قندھار پر قبضے کے لئے افغان فورسز اور طالبان میں شدید لڑائی جاری ہے۔گزشتہ روز بھارت نے قندھار میں اپنا قونصل خانہ عارضی طور پر بند کرتے ہوئے سفارتی عملے کو واپس بلالیا تھا۔ افغان طالبان نے مغرب میں دو سرحدوں گزرگاہوں سمیت چین کی سرحد تک کنٹرول حاصل کرنے کا بھی دعویٰ کیا ہے۔ طالبان نے ملک کے 85 فیصد علاقوں پر کنٹرول کا دعویٰ کیا ہے، گزشتہ چھ روز میں طالبان نے مزید 38 اضلاع کا کنٹرول حاصل کیا، جبکہ ملک کے شمالی علاقوں پر بھی اپنا قبضہ مضبوط بنا لیا ہے۔
