اسلام آباد (نیوز ڈیسک) آئی ایس پی آر کا کہنا ہے کہ قراقرم ہائی وے کو ہر قسم کی ٹریفک کیلئے کھول دیا گیا ہے۔ آئی ایس پی آر کے مطابق قراقرم ہائی وے کھولنے کیلئے ایف ڈبلیو او نے دن رات انتھک محنت اور جانفشانی سے کام کیا، ہائی وے 20 جولائی کو گلگت بلتستان میں تتہ پانی اور رائے کوٹ کے درمیان 20 مقامات پر بند ہوئی تھی۔ آئی ایس پی آر کا کہنا ہےکہ خراب موسم اور مشکل حالات کے باوجود ایف ڈبلیو اوکی ٹیموں نے دن رات کام کرکے سڑک کھولی، اب قراقرم ہائی وے پر ہر قسم کی ٹریفک جاسکتی ہے۔
