اسلام آباد (نیوزٹویو)موٹروے پولیس نے ایمانداری کی روایت برقرار رکھتے ہوئے ایک کروڑ چالیس لاکھ روپےنقدمالک کے حوالے کردیئے تفصیلات کے مطابق ایک کار نمبراےاےیو9898 پرابراہیم نامی شخص اسلام آباد سے پشاور کی جانب بذریعہ موٹر وے سفر کر رہا تھا کہ کرنل شیر خان انٹرچینج کے قریب گاڑی کو حادثہ پیش آیا ۔اطلاع پاتے ہی موٹر وے پولیس کے ڈی ایس پی علاؤالدین اور سب انسپکٹر عاصم احمد موقع پر پہنچے اور امدادی کارروائی کا آغاز کر دیا ۔حادثے کی وجہ سے ڈرائیور محفوظ رہا لیکن ذہنی طور پر شدید شاک کے عالم میں چلا گیا ۔مدد کے دوران ڈرائیور نے موٹر وے پولیس کی ٹیم کو بتایا کہ اس کے پاس کثیر رقم کیش کی صورت میں موجود ہے ۔صورتحال کو مد نظر رکھتے ہوئے ڈی ایس پی علاؤالدین نے نفری کے ہمراہ رقم کو حفاظتی تحویل میں لیتے ہوئے بیٹ آفس کے منتقل کردیا ۔بعد ازاں جب ڈرائیور کے حواس بحال ہوئے اور تسلی بخش صورتحال کے پیش نظر ایک کروڑ چالیس لاکھ روپے کیش ابراہیم کے حوالے کر دیے گئے ۔جس پر اس نے موٹر وے پولیس کا تہہ دل سے شکریہ ادا کیا اس کارروائی کو سراہتے ہوئے ڈی آئی جی موٹروے اشفاق احمد نے افسران کو شاباش دی اور اس عیادے کا اظہار کیا کہ موٹروے پولیس عوام کی جان اور مال کی حفاظت جاری رکھے گی
