لندن (نیوز ڈیسک) پاک انگلینڈ ون ڈے سیریز کا دوسرا میچ بارش کے باعث ایک گھنٹے کی تاخیر سے شروع ہوگا۔ بارش اور آؤٹ فیلڈ گیلی ہونے کے باعث ٹاس میں تاخیر ہوئی۔ لندن کا موسم ابر آلود ہے اور مزید بارش کا امکان بھی ہے۔ دوسرا ون ڈے میچ پاکستانی وقت کے مطابق 3 بجے شروع ہونا تھا تاہم اب بارش کے باعث میچ کو ایک گھنٹے بعد شروع کیا جائے گا۔ دوسرے ون ڈے میں لارڈز میں دونوں ٹیمیں آمنے سامنے ہوں گی، پاکستان ٹیم میں تبدیلی کا امکان نہیں ہے۔ انگلینڈ کو3 میچز کی سیریز میں ایک صفر کی برتری حاصل ہے۔
