الیکٹرانک ووٹنگ مشین کی کمرے میں ہوئی ٹیسٹنگ مسترد کرتے ہیں، مریم اور نگزیب

اسلام آباد (نیوز ڈیسک)  ترجمان مسلم لیگ ن مریم اور نگزیب نے کہا ہے کہ الیکٹرانک  ووٹنگ مشین کی کمرے میں ہوئی ٹیسٹنگ مسترد کرتے ہیں۔ انتخابی عملےکو اغوا کرنے اور ووٹ کے تھیلے چرانے والے اب مشینوں کے معائنے کا ڈراما کر رہے ہیں۔ ایک بیان میں مریم اورنگزیب نے  وزیراعظم عمران خان کی جانب سے  الیکڑانک ووٹنگ مشین کے معائنے پر ردعمل میں کہا کہ الیکڑانک ووٹنگ مشین کی ٹیسٹنگ میں پارلیمان اور اپوزیشن کی رائے شامل نہیں ہے۔ مریم اورنگزیب کا کہنا تھا کہ انتخابی عملے کو اغوا اور ووٹ کے تھیلے چرانے والے اب مشینوں کے معائنےکا ڈراما کر رہے ہیں۔ کیا الیکڑانک ووٹنگ مشین ریٹرننگ افسران کے اغوا کی سوچ روک سکتی ہے؟ ان کا کہنا تھا کہ عمران صاحب مشینوں کے معائنے چھوڑیں، ووٹ  چوری اور فراڈ کیسے ختم ہوگا ؟ یہ بات کریں،انتخابی نتائج کے اعلان میں تاخیرکی کیا وجوہات ہیں، وہ قوم کو بتائیں، ڈرامے نہ کریں۔

اس خبر پر اپنی رائے کا اظہار کریں

اپنا تبصرہ بھیجیں