اسلام آباد(نیوزٹویو) ارکان پارلیمنٹ پرانی تنخواہ پر ہی کام کرینگےوفاقی کابینہ نے ارکان پارلیمنٹ کی تنخواہوں میں دس فیصد ایڈہاک اضافے کی تجویز کفایت شعاری کی مہم کے باعث مسترد کردی ہے کابینہ اجلاس کے بعد میڈیا کو بریفنگ دیتے ہوئے وزیر اطلاعات فواد چوہدری نے بتایا کہ وفاقی کابینہ نے تجویز کفایت شعاری مہم کے باعث مسترد کی چیئرمین، ڈپٹی چیئرمین سینیٹ، اسپیکر، ڈپٹی اسپیکر کو بھی ایڈہاک الاؤنس نہیں ملے گا ارکان پارلیمنٹ کے ایڈہاک الا ؤنس میں دس فی صد ا ضا فے کی تجویزوزارتِ پارلیمانی امور نے پیش کی تھی۔فواد چودھری نے بتایاکہ کابینہ اجلاس کو وزارت سائنس اینڈ ٹیکنالوجی نے بریفنگ دی ہےکہ اگلے سال فائیو جی لانچ کر دیا جائے گا، جس میں مختلف ٹیلی کام کمپنیاں دلچسپی لے رہی ہیں، وزیراعظم کا عزم ہے کہ دور دراز علاقوں میں مواصلاتی نظام رائج کیا جائے۔ فواد چودھری نے کہا کہ ہیوی وہیکلز میں کسٹم ڈیوٹی ہٹائی گئی، ہزار سی سی کی گاڑیوں کے پارٹس پربھی ڈیوٹی کم کی ہے جس سےقیمتوں میں کمی ہوگی۔انہوں نے بتایا کہ رواں سال پاکستان کی ویب سائٹس پر دس لاکھ حملے ہوچکے، ایف بی آر کی سائٹ کو ہیک کرنے کی کوشش ناکام بنا دی، جامع سائبر سکیورٹی نظام پر کام کر رہے ہیں فواد چوہدری نے کہا کہ کرمنل جسٹس سسٹم میں تبدیلیاں متعارف کرائی گئی ہیں اور اس پر طویل مشاورت ہوئی ہے، کرمنل لاء ریفارمز پر طویل بریفنگ بھی دی گئی ہے، وزیراعظم کا ایجنڈا ہے کہ قانون کو پاکستان میں بہتر کرنا ہے۔
