اسلام آباد(نیوزٹویو) حکومت کا قومی اسمبلی کا اجلاس بلانے کا فیصلہ کیا گیا۔ اسپیکر قومی اسمبلی اسد قیصر اور بابر اعوان کی اسپیکر ہاوس میں ملاقات ہوئی۔ اہم ملاقات میں قومی اسمبلی کا اجلاس بلائے جانے پر تفصیلی مشاورت ہوئی۔ ملاقات میں اہم قانون سازی اور ریاستی امور نمٹانے کیلئے اجلاس طلب کرنے پر اتفاق ہوا۔ اجلاس 22 اکتوبر بروز جمعہ صبح ساڑھے 10 بجے طلب کیا جائیگا۔ وزارت پارلیمانی امور اجلاس طلب کرنے کی سمری صدر مملکت کو ارسال کرے۔ملاقات میں بابر اعوان کا کہنا تھا حکومت عوامی اور ملکی مفاد کی قانون سازی میں کسی قسم کی تاخیر نہیں چاہتی، وزیراعظم کی ہدایت پر قانون سازی کا عمل تیز کیا گیا ہے جلد نتائج سامنے آئیں گے اسپیکر اسد قیصر کا کہنا ہےکہ امید ہے ایوان میں موجود تمام جماعتیں قانون سازی کیلئے موثر اور تعمیری کردار ادا کریں گی۔ پوری کوشش ہو گی کہ ایوان کا ماحول متاثر ہوئے بغیر قانون سازی کا عمل آگے بڑھایا جائے
