اسلام آباد(نیوزٹویو) نئے ڈائریکٹر جنرل آئی ایس آئی لیفٹیننٹ جنرل ندیم انجم کرکٹ کھیلنے کے شوقین ہیں جنرل ندیم کو پنجاب رجمنٹ کی لائٹ اینٹی ٹینک بٹالین میں کمیشن دیا گیاتھا انہیں کمانڈ ، سٹاف اور انسٹرکشنل اسائنمنٹس کا تجربہ ہے۔وہ کمبائنڈ آرمز سنٹر یوکے ، سٹاف کالج کوئٹہ ، ایڈوانس سٹاف کورس یوکے ، نیشنل ڈیفینس یونیورسٹی (این ڈی یو) اسلام آباد ، اے پی سی ایس ایس یو ایس اے اور رائل کالج آف ڈیفنس سٹڈیز یوکے سے فارغ التحصیل ہیں۔انہوں نے کنگز کالج لندن اور این ڈی یو اسلام آباد سے ماسٹر کی ڈگری حاصل کی جنرل ںدیم کو روایتی اور ذیلی روایتی خطرے کے ماحول میں کمان کا وسیع تجربہ ہے۔ وہ مغربی سرحد اور ایل او سی دونوں پر کمانڈ کے علاوہ بلوچستان میں طویل خدمات انجام دے چکے ہیں۔انہوں نے آپریشن ضرب عضب کے دوران جنوبی وزیرستان ایجنسی میں انفنٹری بریگیڈ ، کرم ایجنسی اور ہنگو میں انفنٹری بریگیڈ کی کمانڈ کی تھی آپریشن ضرب عضب کے دوران اور وہ آپریشن ردالفساد کے دوران آئی جی ایف سی بلوچستان بھی رہ چکے ہیں جنرل ندیم احمد پی ایم اے ، اسٹاف کالج اور این ڈی یو میں انسٹرکٹر رہے ہیں۔ وہ سٹاف کالج کوئٹہ کے کمانڈنٹ رہے ہیں۔ وہ 5 کور کے چیف آف سٹاف بھی رہ چکے ہیں۔ڈی جی آئی ایس آئی کی تقرری سے قبل وہ سندھ کراچی میں 5کور کے کمانڈر کے طور پر فرائض سرانجام دے رہے تھے جنرل دوڑنے کے شوقین اور باسکٹ بال اور کرکٹ کےکھیل سے لطف اندوز ہوتے ہیں۔
