پیٹرولیم مصنوعات کی قیمتوں میں ایک بار پھر بڑا اضافہ، وزارت خزانہ کا نوٹیفکیشن

اسلام آباد ( نیوزٹویو)وفاقی حکومت نے پیٹرولیم مصنوعات کی قیمتوں میں ایک بار پھر بڑا اضافہ کر دیا ہے۔وزارت خزانہ کی جانب سے جاری نوٹیفکیشن کے مطابق پیٹرول کی قیمت میں چار روپے جب کہ ڈیزل کی قیمت میں 2 روپے فی لیٹر اضافہ کر دیا گیا ہے۔اس اضافے کے ساتھ پیٹرول کی نئی قیمت 127 روپے 30 پیسے جب کہ ڈیزل کی قیمت 122 روپے چار پیسے فی لیٹر ہو گئی ہے۔اس کے علاوہ مٹی کے تیل کی قیمت میں 7 روپے دو پیسے اضافہ کیا گیا ہے جس کے بعد اس کی نئی قیمت 99 روپے 31 پیسے ہو گئی ہے۔لائٹ ڈیزل کی قیمت میں 8 روپے 82 پیسے فی لیٹرکا اضافہ کیا گیا ہے جس کے بعد اس کی نئی قیمت 99 روپے 51 پیسے ہو گئی ہے۔گزشتہ روز اوگرا نے  پٹرولیم مصنوعات کی قیمتوں میں سوا پانچ روپے تک اضافے کی سمری حکومت کو ارسال کی تھی۔ واضح رہے کہ نئی قیمتوں کا اطلاق آج رات 12 بجے کے بعد سے ہو گا۔

اس خبر پر اپنی رائے کا اظہار کریں

اپنا تبصرہ بھیجیں