لاہور(نیوزٹویو) سابق صدرآصف علی زرداری نے جمعہ کوچودھری شجاعت حسین کی رہائش گاہ پر ان سے ملاقات کی آصف علی زرداری نے ملاقات کے دوران چودھری شجاعت حسین سے ان کی خیریت دریافت کی، ملاقات میں سیاسی صورتحال، ملکی معاملات پر بات چیت کی گئی۔اس موقع پر گفتگو کرتے ہوئے پاکستان مسلم لیگ ق کے سربراہ چودھری شجاعت حسین نے کہا کہ سیاست ہوتی رہے گی پہلے عوام کی بہبود کا سوچنا ہوگا، سیاسی رنجش کو ذاتی رنجش نہ بنائیں ، ملک کا سوچیں، پاکستان ہے تو سب ہیں۔
ملاقات میں چیف آرگنائزر پاکستان مسلم لیگ چودھری سرور، وفاقی وزیر چودھری سالک اور جنرل سیکرٹری پنجاب چودھری شافع بھی شریک ہوئے۔
چودھری شجاعت حسین کا کہنا تھا کہ مہنگائی آسمان سے باتیں کر رہی ہے ، مہنگائی کم کرنا حکومت کی اولین ترجیح ہونی چائیے،تمام سیاسی پارٹیاں ملکی معیشت کو بہتر بنانے کے لیے کردار ادا کریں،سیاست بعد میں بھی ہوتی رہے گی، پہلے عوام کی بہبود کا سوچنا ہوگا، سیاسی رنجش کو ذاتی رنجش نہ بنائیں ، ملک کا سوچیں، پاکستان ہے تو سب ہیں۔ سرکاری ملازمین کی تنخواہوں اور پنشن میں بھی اضافے کیا جائے۔
اس موقع پرچودھری سرور کا کہنا تھا کہ بجٹ میں مزدور کی تنخواہ کم از کم اتنی ہونی چاہیے کہ وہ اپنے بچوں کو تعلیم دلوا سکے،بجٹ غریب کیلئے ٹیکس فری ہونا چاہیے،،بظاہر ہر بجت میں یہ کہا جاتا ہے کہ غریب کو ریلیف ملے گا لیکن مستفید اشرافیہ ہوجاتی ہے
