اسلام آباد(نیوزٹویو) اسلام آباد الیکڑک سپلائی کمپنی (آئیسکو) نے صارفین کی کیلئے بجلی کے بل اقساط میں ادا کرنے کی سہولت کا اعلان کیا ہے، آئیسکو کے ترجمان کے مطابق بجلی کے بلوں کی مقررہ تاریخ میں بھی توسیع کی جارہی ہے۔
ترجمان آئیسکونے یقین دلا یا ہےکہ سی ای او امجد خان کی ہدایت پر صارفین کی مشکلات کو حل کریں گے،صارفین کی مشکلات دیکھتے ہوئے اضافی بوجھ کم سے کم کرنے کی کوشش کریں گے۔ ایس ڈی او ریونیو ایکسین کے دفاتر یا کسٹمر سروسز سینٹرز سے مقررہ تاریخ میں توسیع کروائی جا سکتی ہے،ترجمان کا کہنا تھا کہ ٹیکسز اور ٹیرف میں اضافے سے متعلق آئیسکو کا کوئی رول نہیں۔آئیسکو بجلی خرید کر آگے ٹرانسمنٹ کر دیتی ہے، آئیسکو کو فی یونٹ تقریباً سوا دو روپے پرافٹ مارجن ملتا ہے، ترجمان آئیسکو کا مزید کہنا تھا کہ بجلی صارفین کسی سرکاری تنصیبات کو نقصان نہ پہنچائیں۔
