لاہور (نیوز ڈیسک) لاہور میں پہلے اینٹی ویمن ہراسمنٹ اینڈ وائیلنس سیل کے قیام پر تیزی سے کام جاری ہے۔ پنجاب پولیس کے ترجمان کا کہنا ہے کہ اینٹی ویمن ہراسمنٹ اینڈ وائیلنس سیل لاہور میں لبرٹی خدمت مرکز کے عقب میں تعمیر کیا جا رہا ہے۔ پنجاب پولیس کے ترجمان کے مطابق ڈی آئی جی آپریشنز لاہور سہیل چوہدری نے سیل کے تعمیراتی کاموں کا جائزہ لیا۔اس موقع پر ڈی آئی جی آپریشنز لاہور سہیل چوہدری نے میڈیا سے گفتگو بھی کی۔انہوں نے کہا کہ لاہور پولیس خواتین کا تحفظ یقینی بنائے گی، جرائم کے تدارک کے ساتھ کمیونٹی پولیسنگ کا فروغ بھی ترجیح ہے۔
