راولپنڈی(نیوزٹویو) پاکستان کی مسلح افواج کے سربراہ جنرل عاصم منیر نے کہا ہےکہ دہشت گرد اوران کے سہولت کارملک دشمن ایجنڈے پر عمل پیرا ہیں ان کو کسی صورت نہیں چھوڑیں گے پاکستان کو غیرمستحکم کرنے والے دہشت گردوں، ان کے ساتھیوں اور ان کی حوصلہ افزائی کرنے والوں کو ریاست پاکستان کے سامنے ہتھیار ڈالنے تک شکار کیا جائے گا۔
آئی ایس پی آر کے مطابق آٓرمی چیف نے جنوبی وزیرستان کےعلاقےشیروانگی کا دورہ کیا ، جہاں گزشتہ روز6فوجی جوان دہشتگردوں کیخلاف لڑتے ہوئےشہید ہوگئے تھے۔ دورے کے دوران آرمی چیف کوانسداد دہشتگردی کارروائیوں سمیت موجودہ سکیورٹی صورتحال پربریفنگ دی گئی۔ جنرل عاصم منیر نےعلاقے میں تعینات افسران اور فوجیوں سے بات چیت کی ، اوردہشتگردی کی لعنت سے لڑنےمیںجوانوں کےغیر متزلزل عزم کو سراہا۔
آئی ایس پی آر کے مطابق جونواں سے گفتگو کرتے ہوئے آرمی چیف نے کہا کہ شہداء ہمارافخرہیں،امن واستحکام کیلئےان کی قربانیاں رائیگاں نہیں جائیں گی،پاکستان کو غیرمستحکم کرنے کے دشمن ایجنڈے کے تحت کام کرنے والے دہشت گردوں، ان کے ساتھیوں اور ان کی حوصلہ افزائی کرنے والوں کو ریاست پاکستان کے سامنے ہتھیار ڈالنے تک ان کا شکار کیا جائے گا۔
اس سے قبل جنوبی وزیرستان آمد پرکور کمانڈر پشاورنے آرمی چیف جنرل عاصم منیر کا استقبال کیا۔
