اسلام آباد(نیوزٹویو)پاکستان کی مسلح افواج کے سربراہ جنرل عاصم منیر نے کہا ہے کہ طلباء چیلنجزکاحل تلاش کرنےکیلئےاپنے فکری وسائل کو بروئے کار لائیں تعلیم ایک آپشن نہیں بلکہ ضرورت ہے۔ پاک فوج کے شعبہ تعلقات عامہ (آئی ایس پی آر) سے جاری بیان کے مطابق آرمی چیف جنرل عاصم منیرنےنیشنل یونیورسٹی آف سائنسز اینڈ ٹیکنالوجی (نسٹ) کے “ماسٹرکانووکیشن تقریب” میں بطور مہمان خصوصی شرکت کی ،آرمی چیف جنرل عاصم منیرکاآمدپرنسٹ کےریکٹرنےاستقبال کیا۔
آئی ایس پی آر کے مطابق جنرل عاصم منیرنےنمایاں پوزیشن حاصل کرنے والوں کو تمغوں سے نوازا،کانووکیشن میں بیچلرز،ماسٹرز اورپی ایچ ڈی کےطلبہ نےڈگریاں حاصل کیں،آرمی چیف جنرل عاصم منیرنے گریجویٹس،ان کے والدین اورفیکلٹی کوبارکباد دی۔
آرمی چیف نے گریجوٹیس سے خطاب کرتے ہوئے ہونہار طلباء کی تربیت کیلئے تدریس اور سیکھنے کے عمل کیلئے سازگار ماحول قائم کرنے پر نسٹ کو سراہا۔انہوں نے کہا کہ تعلیم کوئی آپشن نہیں بلکہ ایک ضرورت ہے۔
انہوں نے گریجوٹیس پر زور دیا کہ وہ ملک کو درپیش چیلنجز کا ادراک اور تجزیہ کریں اور ان مسائل کے حل تلاش کرنے کیلئے اپنی سمجھ بوجھ کا استعمال کریں۔
واضح رہے کہ کانووکیشن ویک کے دوران بیچلرز، ماسٹرز اور پی ایچ ڈی کورسز میں ساڑھے تین ہزار سے زائد گریجوٹیس ڈگریاں حاصل کریںگے۔
