اسلام آباد(نیوزٹویو)پاکستان مسلم لیگ نواز کے رہنما اور سابق وفاقی وزیر خواجہ سعد رفیق ،پاکستان تحریک انصاف ( پی ٹی آئی ) کے حمایت یافتہ آزاد امیدوار سردار لطیف کھوسہ کے مدِمقابل تھے۔
یاد رہے کہ این اے 122 لاہور سے تمام پولنگ اسٹیشنز کے غیرحتمی نتائج کے مطابق آزاد امیدوار سردار لطیف کھوسہ ایک لاکھ 17 ہزار سے زائد ووٹ لے کر جیت گئے جبکہ لیگی رہنما خواجہ سعد رفیق کو شکست کا سامنا کرنا پڑا ہے۔
خواجہ سعد رفیق نے شکست کے بعد اپنے بیان میں سردار لطیف کھوسہ کو الیکشن جیتنے مبارکباد پیش کی ہے۔
سردار لطیف کھوسہ صاحب کو دلی مبارکباد
عوامی فیصلے پر خوش دلی سے
سر ِ تسلیم خماللّٰہ کریم آنیوالی پارلیمان کو متحد ھو کر قومی بحرانوں پر قابو پانے کی توفیق و تقویت عطا فرماۓ
آمین— Khawaja Saad Rafique (@KhSaad_Rafique) February 9, 2024
اپنے بیان میں سعد رفیق کا کہنا تھا کہ عوامی فیصلے پر خوش دلی سے سر تسلیم خم کرتے ہیں، اللّٰہ کریم آنیوالی پارلیمان کو متحد ہو کر قومی بحرانوں پر قابو پانے کی توفیق و تقویت عطا فرمائے۔
