اسلام آباد( نیوزٹویو) پاکستان نےپاکستانی شہریوں کے قتل میں بھارت کے ملوث ہونے کے ثبوت حاصل کرلیے جبکہ قتل میں ملوث بھارتی ایجینٹ کو گرفتار کرلیا گیا ہے سیکریٹری خارجہ سائرس سجاد قاضی نے انکشاف کیا ہے کہ پاکستانی شہریوں کی ٹارگٹ کلنگ میں بھارت ملوث ہے،انڈین ایجنبٹ کو پاکستان سے فرار ہوتے ہوئے گرفتار کرلیا ہے، بھارت پاکستان کی خودمختاری اور سالمیت کی خلاف ورزی کر رہا ہے۔ عالمی برداری بھارت کا محا سبہ کرے اوراسے انصاف کے کٹہرے میں کھڑا کرے
🔴LIVE: Media Briefing by Foreign Secretary Muhammad Syrus Sajjad Qazi https://t.co/cIeQ1Y6BNl
— Spokesperson 🇵🇰 MoFA (@ForeignOfficePk) January 25, 2024
سیکریٹری خارجہ سائرس سجاد قاضی نے جمعرات کو دفتر خارجہ میں پریس کانفرنس کرتے ہوئے کہا کہ سیکیورٹی فورسز نے ہندوستان کے اجرتی قاتل کو گرفتار کرلیا، جو پاکستان میں دہشت گردی اور قتل کی وارداتوں میں ملوث تھا۔ پاکستانی شہری شاہد لطیف کے قتل میں ہندوستانی ایجنٹ ملوث ہے، ایک اور شہری محمد ریاض کو راولاکوٹ میں مسجد کے باہر بھی پڑوسی ملک کے ایجنٹوں نے قتل کیا۔ سیکریٹری خارجہ کے مطابق ہندوستانی ایجنٹ یوگیش کمار عرف محمد عمیر نے شاہد لطیف کے قتل ک ااعتراف کرلیا، ان ایجنٹوں سے متعلق مزید معلومات جمع کی جا رہی ہیں، اجرتی قاتلوں کی خدمات سوشل میڈیا کے ذریعے لی گئیں، کچھ حساس معلومات ابھی شیئر نہیں کی جاسکتیں۔
سائرس سجاد نے بتایا کہ ہمارے پاس ملک میں موجود بھارتی ایجنٹس کی تفصیلات موجود ہیں، دوسرے ملکوں میں دہشت گردی اور قتل و غارت گری پر بھارت کا عالمی سطح پر محاسبہ کیاجاناچاہیے، ابھی 2 کیسز کی تفصیلات شیئر کریں گے اور کچھ کیسز ابھی زیر تفتیش ہیں۔
سیکریٹری خارجہ کا کہنا تھا کہ بھارتی ایجنٹس کا مزید کارروائیوں میں ملوث ہونا خارج از امکان نہیں ہے، بھارتی ایجنٹس کے اعترافی بیانات ہماری تحویل میں ہیں، پاکستانی سرزمین پر بھارتی کارروائی ملکی خودمختاری کےخلاف ہے، انہوں نے بتایا کہ ہمارے پاس فنانشل ٹرانزیکشنز کے ثبوت بھی موجود ہیں، ان واقعات کے بعد ہم نے اپنی نگرانی بڑھا دی ہے، ہم ایسے مزید بھارتی کارروائیوں کے اہداف کی موجودگی سے چشم براہ نہیں ہو سکتے۔
سیکریٹری خارجہ نے بتایا کہ شاہد لطیف کو مارنے کے لیے انڈین شہری یوگیش کمار نے یہاں مقامی قاتل کو ہائر کیا اور شاہد لطیف کو قتل کروایا، ٹارگٹ کلر عمیر نے 5 ٹارگٹ کلرز کی ٹیم بنائی، قانون نافذ کرنے والے اداروں عمیر کو ساتھیوں سمیت گرفتار کرلیا، قاتل عمیر 12 اکتوبر کو ملک سے باہر فرار ہورہا تھا۔
انہوں نے بتایا کہ دوسرا کیس محمد ریاض کا ہے جسے راولاکوٹ میں فجر کے وقت قتل کیا گیا، تفتیش سے پتہ چلا کہ عبداللہ علی نامی ٹارگٹ کلر نے محمد ریاض کو قتل کیا۔
پاکستان نے عالمی برادری سے مطالبہ کیا ہے کہ عالمی سطح پر بھارت کا محاسبہ کیا جانا چاہئے اور اسے انصاف کے کٹہرے میں لایا جائے۔
واضح رہے کہ گزشتہ برس 11 اکتوبر کو پنجاب کے ضلع سیالکوٹ کے ایک قصبے ڈسکہ میں مولانا شاہد لطیف کو 3 افراد نے فائرنگ کرکے قتل کردیا تھا، اس سے قبل 9 ستمبر کو آزاد کشمیر کے شہر راولاکوٹ میں ایک مسجد کے باہر محمد ریاض کو گولی مار کر قتل کیا گیا تھا۔
