اوکاڑہ (نیوزٹویو) پاکستان گدھوں میں خود کفیل ہو نے جا رہا ہے اس حوالے سےپنجاب کے شہر اوکاڑہ میں پا کستان میں گدھوں کا پہلا سرکاری فارم تیار کر لیا گیا ہے یہاں سے گدھے چین اور دیگر ممالک کو برآمد کیے جا ئینگے اور کثیرزرمبادلہ کمایا جا ئے گا تفصیلا ت کے مطابق چین اور دیگر مما لک کی جانب سے بڑھتی ہوئی ڈیمانڈ کے بعد پنجاب کے شہر اوکاڑہ میں حکومت کی جانب سے گدھوں کا پہلا سرکاری فارم ہاؤس تیار کیا گیا ہے اس فارم میں گدھوں کی افزائش نسل کی جائے گی۔ اس فارم میں اعلی نسل کے گدھوں کی افزائش پر کام کیا جا رہا ہے، چین اور دیگر ممالک کی جانب سے گدھوں کی ڈیمانڈ بڑھنے کے بعد پنجاب حکومت نے افزائش نسل کرکے گدھوں کو ایکسپورٹ کرنے کا منصوبہ بنایا ہے۔
فارم ہاوس کی ا نتظامیہ کے مطابق 1916ء میں قائم ہونے والے 3 ہزار 50 ایکڑ رقبے پر مشتمل بہادر نگر فارم اوکاڑہ میں پاکستان میں گدھوں کا پہلا سرکاری فارم ہاؤس ہے، جہاں پر امریکہ سمیت کئی ملکوں کے گدھوں کی اعلی نسل پیدا کی جا رہی ہے۔ چین اور دیگر ممالک میں گدھوں کی طلب میں اضافے کے باعث پنجاب حکومت نے اس منصوبے پر کام کا آغاز کیا ہے جس کے نتیجے میں بعد بہادر نگر فارم اوکاڑہ سے بریڈ ہونے والے گدھوں کی ایکسپورٹ سے کثیر زرمبادلہ کمایا جائے گا۔
محتاط اندازے کے مطابق اوکاڑہ بہادر نگر فارم میں 1916 سے گدھوں کی افزائش نسل پر کام ہو رہا ہے، پنجاب حکومت نے اس کام میں دلچسپی کا اظہار کیا ہے، گدھی کا دودھ اور چمڑہ چین کاسمیٹیکس مصنوعات اور ادویات میں استعمال کرتا ہے اور وہ مہنگی فروخت ہوتی ہیں۔بہادر نگر فارم اوکاڑہ کے منیجر ڈاکٹر منصور مبین کا کہنا ہے کہ بدلتے ہوئے معاشی رجحانات ہمارے دیہاتوں میں انقلاب لا رہے ہیں، امید ہے کہ اس پراجیکٹ سے ملکی دیہاتوں میں لوگوں کے پاس اعلی نسل کے گدھے ہوں گے جن سے وہ نہ صرف مال برداری کا کام لیں گے بلکہ ان کی فروخت سے کثیر زرمبادلہ کمائیں گے۔
