اسلام آباد(ویب نیوز)پاکستان کرکٹ ٹیم کے کپتان بابر اعظم آئی سی سی مینز ون ڈے کرکٹر آف دی ایئر قرار پائے ہیں۔بابر اعظم نے6 ون ڈے میچز میں 67 اعشاریہ 50 رنز کی اوسط سے 405 رنز بنائے۔پاکستان کرکٹ بورڈ کی جانب سے بابر اعظم کو ایوارڈ جیتنے پر مبارکباد پیش کی گئی ہے۔بابر اعظم کا ایوارڈ جیتنے کے موقع پر کہنا ہے کہ فینز کا شکریہ جنہوں نے حوصلہ افزائی کی ہے۔خوش قسمت ہوں کہ اتنی اچھی ٹیم میرے ساتھ موجود ہے ۔قومی کپتان نے کہاکہ جنوبی افریقامیں جا کر جیتنا بہت مشکل ہوتا ہے۔ میں آئی سی سی اور پی سی بی کا بھی شکر گزار ہوں ۔
