اوٹاوا(نیوز ڈسک) کینیڈا نے پاکستان پر عائد سفری پابندیاں ختم کردیں، قومی ایئرلائن آج سے ہی پروازیں آپریٹ کرے گی۔ کینیڈین وزیرٹرانسپورٹ نے پابندیاں ختم کرنے کا اعلان کیا۔ کینیڈا نے بھارت پر21جولائی تک سفری پابندیاں برقرار رکھیں ہیں جبکہ پی آئی اے کو دوبارہ براہ راست پروازیں شروع کرنے کی بھی ہدایات کردیں۔قومی ایئرلائن کو کینیڈین حکام کی براہ راست پروازوں کے لیے ہدایات موصول ہوگئیں۔ پروازیں کوروناپابندیوں کے باعث صرف کارگو تک محدودکردی گئی تھیں۔ پی آئی اے آج سے براہ راست مسافر لےکرکینیڈا جاسکے گا۔ کینیڈین حکام سی ای اوپی آئی اے ارشدملک کے وضع کردہ ایس اوپیز سے مطمئن ہیں۔پی آئی اے پہلے مرحلے میں ہفتہ وار3پروازیں اتوار سے شروع کرے گا۔دوسرے مرحلے میں پاکستان سے کینیڈا آپریشن مکمل طور پر بحال کردیا جائے گا۔ قومی ایئرلائن کے ترجمان کا کہنا ہے کہ پروازیں کراچی، لاہور اور اسلام آباد سے روانہ ہوں گی۔ترجمان کے مطابق کینیڈا کے لیے بکنگ کھول دی گئی لوگ بآسانی نشستیں حاصل کرسکتے ہیں۔
